Herrenkommers
Hätzliche Einladung zom Härekommers
Wat is ejentlich ne Härekommers un wie jeht dat?
Die Häre kumme af veedel vör elef en Sondachsmontor odder staatsjemaat
vun de Mamma, op die Versammlung. Loss jet dat Spill öm elef Ohr. Ehschtens spillt en Blöserkapell, un dann kumplementeet de Präsident.
Dann stonn all op un denke für en kuurte Zick an die Kammerade die allt dud sinn, die schwer krank sen, un die, die net dobei sinn künne.
Dann kann me verzälle oder och jet kaatespille. Kaate lijje jennoch op de Desche. Wer Doosch hätt, kann sich für zwischedürch och jet ze drinke bestelle. Et jit Kölsch em Jlas oder, wenn ene vill Doosch hätt, Kölsch im Fässje.
Koot für zwölef jitt et dann jet schönnes ze luure, befür et dann pünktlich öm zwölef Uhr Meddaachsmohlzick is.
Et jitt für all Häre dat jliche Esse: Hämmscher mit soore Kappes un Ädappelpüree. De Monete für dat Esse is at zesamme mit de Entretskaat jelöhnt worde.
No dem Esse spillt widder di Blöserkapell un wer dann ens an de Zijar trekke will, kann ens kuurt vür de Döör jon.
Ab veedel vär eens jeht et dann wigger un jetz steijert sich dat Programm.
Allen zur Freud kumme op de Bühn: Schwadroneure, Höppemüsje un Musikgruppe, un zwischedürch de Blöserkapell.
Zo Engk es dä Kommers jet noh vier Uhr, un dann jit et mindestens vier Müjjelichkeete:
- Me blief noch jet doh un drink noch jet
- Me löt sich noh Huus fahre
- Me jet zo Foos no Huus
- Me jet mit denne Kammerade noch ens in en Weetschaft en Bier drinke
( un dann hätt me widder Müjjelichkeete 1, 2 oder 3)
Es dat jetz suwig kloar?
Wenn Ihr noch jet wisse wollt, dot us anrofe oder schrieft uns en Mail.
Einen neuen Weg ging die Prinzengarde gemeinsam mit dem Freunden der Hovener Jungkarnevalisten. Erstmals gab es am 05.01.2014 einen Herrenkommers im Forum Zülpich. Die erste Veranstaltung war ein voller Erfolg und kam beim Publikum sehr gut an.
In den folgenden Jahren fand der Herrenkommers immer mehr anklang beim Publikum, sodass sich die Besucherzahlen stetig erhöhten und im Jahr 2025 ein ausverkauftes Forum festgestellt werden konnte.